Borgarbörn - 2007

 

BORGARBÖRN- barna- og unglingaleikhús

Jólaleikritið "MARÍA, ASNINN OG GJALDKERARNIR"

Síðasta sýning á þessu skemmtilega jólaleikriti var 19. desember 2007. Sýningar urðu alls 31.

Borgarbörn æfa nú á fullum krafti frábæra jólasýningu sem verður á fjölum Nýja sviðsins í Borgarleikhúsinu í nóvember og desember. Um er að ræða söngleik þar sem öll hlutverk er skipuð börnum og unglingum á aldrinum 8-15 ára. Leikarar eru samtals 31. Krakkarnir hafa numið við söng- og leiklistarskólann Sönglist sem starfræktur er í samstarfi við Borgarleikhúsið. Umrædd sýning verður önnur sýning barna- og unglingaleikhússins BORGARBÖRN, en síðustu jól sýndu þau jólaleikritið “Rétta leiðin”, við frábærar undirtektir. Alls urðu sýningar 33.

Leikritið sem heitir María, asninn og gjaldkerarnir, fjallar um krakka í unglingadeild sem fengið er það verkefni að setja upp sjálfan helgileikinn. Ekki lýst þeim of vel á þá hugmynd og ekki batnar það þegar nokkur börn úr barnadeildinni eru send til að taka þátt í uppfærslunni með þeim.

Þau ákveða þó að setja upp helgileikinn á nýstárlegan hátt og fylgjumst við með æfingum þeirra, sem oft verða skondnar. Inní sögu Maríu og Jóseps, flækist ástarsaga Edda og Dísu, sem eru nemendur skólans, misskilningur á íslensku máli og ýmislegt fleira.

En það sem mestu máli skiptir er að helgileikurinn kemst þó rétt til skila og þar með boðskapur jólanna.
Um að ræða góða og fræðandi skemmtun fyrir börn á öllum aldri (Theatre in Education). Leikstjóri er Gunnar Helgason, söngstjóri er Ragnheiður Hall, danshöfundur er Halla Ólafsdóttir. Valdimar Kristjónsson sér um tónlistina og er leikmyndahönnuður Sigurjón Jóhannsson. Höfundur handrits er Erla Ruth Harðardóttir.

Leikritið María, asninn og gjaldkerarnir verður frumsýnt 20. nóvember. Gestir geta komið með jólapakka og lagt undir jólatré Borgarleikhússins. Leikarar Borgarbarna munu síðan sjá um að koma þeim í hendur Mæðrastyrksnefndar til dreifingar einsog gert var síðustu jól. Eftir sýningu er gestum boðið upp á djús og piparkökur áður en haldið er heim á leið.

Upplýsingar um sýningar Borgarbarna má finna á heimasíðu Borgarleikhússins www.borgarleikhus.is

Nú geta allir upplifað sanna jólastemningu í Borgarleikhúsinu. Jólin eru oft sögð hátíð barnanna. Þetta er jólagjöfin okkar til þeirra!

 

 

S�nglist - Borgarleikh�sinu - Listabraut 3 - 103 Reykjav�k - S�mi 590 8838 - songlist@borgarleikhus.is - www.songlist.is