Borgarbörn - 2011

Jólasöngleikurinn Óværuenglarnir

Jólaleikrit Borgarbarna 2011 í Iðnó

Sýnt í Iðnó dagana 1. - 18. desember 2011

Jólaleikrit Borgarbarna þessi jól ber nafnið Óværuenglarnir. Er þetta sjötta árið í röð sem Borgarbörn setja um jólasýningu. Að þessu sinni fjallar sýningin um englana Hrein, Engilfríði og Bjart sem eru engan veginn að standa sig í Englaskóla Himnaveldis. Eftir ítrekaðar kvartanir kennara skólans, tekur Serafía æðsti engill til sinna ráða. Fær hún leyfi fra Alföðurnum, til að senda þessa óþekktarengla niður til jarðar.

Þar eiga þau að reyna að koma vitinu fyrir jarðarbúa, sem eru einsog svo oft áður, búnir að ganga fram af íbúum Himnaveldis. Takist englunum þremur ekki að snúa jarðarbúum til betri vegar, eiga þeir og íbúar jarðar, á hættu að vera send í Svarthol Alheimsins, þar sem þolinmæði Himnabúa er á þrotum.

Leikritið er fullt af boðskap og inniheldur vinsæl lög ásamt skondnum texta, uppákomum og dönsum.

Sýningin er um klukkustund í flutningi. Eftir sýningu er áhorfendum boðið upp á piparkökur og djús. Jólagjafasöfnun Borgarbarna fyrir Mæðrastyrksnefnd er árleg hefð. Þá geta áhorfendur komið með pakka, merktan aldri og kyni, á sýningar og leikarar sjá um að skila til Mæðrastyrksnefndar.

Miðaverð er kr. 1.000 – gjöf en ekki gjald, vilja margir meina. Ef keypt er heil sýning (miðað við 150 sæti – tilvalið fyrir starfsmannafélög) er miðaverð kr. 500.

Miðapantanir í miðasölu Iðnó sími 562-9700 (milli kl. 11:00-16:00) Fyrirspurnir má senda á borgarborn@gmail.com eða í síma 861-6722. Miða má einnig nálgast á midi.is.


 

 

S�nglist - Borgarleikh�sinu - Listabraut 3 - 103 Reykjav�k - S�mi 590 8838 - songlist@borgarleikhus.is - www.songlist.is